ഏറു കൊണ്ടു് ഓടുന്ന കൊടിച്ചിപട്ടിയെ
കണ്ടിട്ടുണ്ടോ? വാലു കാലുകള്‍ക്കിടയില്‍ തിരുകി നിലവിളിച്ചുകൊണ്ടു് അവ പ്രാണനും
കൊണ്ടു് ഓടുന്നതു് നിങ്ങള്‍ ആസ്വദിച്ചിട്ടുണ്ടോ? ഇല്ലെങ്കില്‍ പറയട്ടേ, അതു്
കാണേണ്ട കാഴ്ച തന്നെയാണു്.
 
ബഹറിനില്‍ എറിയാനായി കൊടിച്ചിപട്ടികളെ
കിട്ടാന്‍ വലിയ പാടാ, അലഞ്ഞു നടക്കുന്നവ തീരെയില്ലെന്നു തന്നെ പറയാം. അപ്പോ പിന്നെ
എന്തു ചെയ്യും. ഒരു വഴിയേ ഉള്ളൂ, വഴിയെ നടക്കുന്ന വിദേശികളെ കല്ലെറിയാം. അവര്‍
പേടിച്ചു് വാലും മടക്കി ഓടിക്കോള്ളും, പ്രത്യേകിച്ചു് സ്വന്തം വണ്ടിയൊന്നുമില്ലാതെ
റോഡിലൂടെ നടന്നു പോകുന്ന പാവങ്ങളാകുമ്പോള്‍.
 
ഇന്നു് കാലത്തവര്‍ക്കു് എറിയാന്‍ കിട്ടിയതു്
എന്നെയാണു്. അപ്പോ ആരാണു് ഈ എറിയുന്നതെന്നായിരിയ്ക്കും നിങ്ങളുടെ സംശയം, വേറെ
ആരെറിയാന്‍ ബഹറിന്‍ സ്വദേശികളല്ലാതെ. ഓഫീസിലേയ്ക്കുള്ള വഴിയേ 
(മനാമ ബസു് സ്റ്റേഷനും‍ ഷേക്കു് റാഷിദു് കെട്ടിടത്തിനും ഇടയ്ക്കുള്ള
വിശാലമായ മൈതാനം)
രണ്ടു ഫുട്ബോള്‍ ഗ്രൌണ്ടിന്റെ വലിപ്പമുള്ള വിശാലമായ സ്ഥലം
മുറിച്ചു നടക്കാന്‍ പോയ ഞാന്‍, നടക്കുകയല്ല, ഓടി രക്ഷപ്പെടുകയായിരുന്നു. മൂന്നു
പേരുകൂടി ഒരു പട്ടിയെ എറിയാന്‍ നിന്നാല്‍ പിന്നെ പട്ടിയ്ക്കു ഓടി
രക്ഷപ്പെടുകയല്ലാതെ വേറെ മാര്‍ഗ്ഗമൊന്നുമില്ല, എറിയുന്നതു 20 വയസ്സിനോടടുത്ത
പിള്ളേരാവുമ്പോള്‍, പ്രത്യേകിച്ചും. അപ്പോ മനസ്സിലൊരു വിഷമമൊക്കെ തോന്നിയെങ്കിലും
ഇപ്പോ ഒരു സംശയവുമില്ല, ഞങ്ങള്‍ ഇവിടെ കുറച്ചു പട്ടികളുണ്ടല്ലോ, ആര്‍ക്കും
കല്ലെറിയാന്‍ പാകത്തിനു്.
 
ഇതുപോലെ ഇടയ്ക്കിടെ ചില വിശേഷങ്ങളൊക്കെ ഉണ്ടാകും.
അപ്പപ്പോള്‍ ബ്ലോഗാം.

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )